epa08319808 A handout photo made available by the Press office Palazzo Chigi shows Italian Prime Minister Giuseppe Conte attend a press conference at Palazzo Chigi, Rome, Italy, 24 March 2020. Conte spoke about the lockdown measures in force in Italy due to the COVID-19 coronavirus pandemic. Countries around the world are taking increased measures to stem the widespread of the SARS-CoV-2 coronavirus which causes the Covid-19 disease. EPA/Filippo Attili / Press office Palazzo chigi HANDOUT HANDOUT EDITORIAL USE ONLY/NO SALES

Emergjenca sanitare kombëtare e pandemisë së Covid 19 në Itali ka detyruar qeverinë italiane të limitojë e të pezullojë mjaft aktivitete administrative mes shtetit e qytetarëve.

Masat reduktuese të përcaktuara në dekretin ekonomik “Cura Italia” kanë të bëjnë dhe me procesin e lejeve të qëndrimit për emigrantët dhe të praktikave për të marrë nënshtetësinë italiane.

Departamenti për të Drejtat Civile e Emigracionin, në Ministrinë e Brendshme italiane, pak orë më parë ka publikuar urdhëresën e detajuar ku informon se ka pezulluar përkohësisht të gjitha afatet kohore të praktikave të emigrantëve.

Për të gjithë ata emigrantë që u skadon afati kohor i lejes së qëndrimit nga data 31 janar 2020 e deri në 15 prill 2020, leja e qëndrimit u zgjatet deri më datë 15 qershor 2020.

Këta emigrantë me leje qëndrimi në skadencë mund të prezantojnë kërkesën e rinovimit të saj vetëm pas datës 15 qershor 2020.

Deri më 15 qershor 2020 dokumenti i tyre dhe pse me datë të skaduar është i vlefshëm.

Në mënyrë të detajuar pezullohen praktikat për;

– Leje qëndrimet për punë sezonale

– Leje qëndrimet për punonjësit emigrantë të kualifikuar, për rastet e veçanta me motive hulumtime apo transferimet mes koorporatash.

– Konvertimi i lejeve të qëndrimit nga motive studimi në motive punësimi, apo nga punë sezonale në punë jo sezonale.

– Pezullohet lëshimi i lejeve të qëndrimit afatgjatë

– Lejet e qëndrimit për bashkim familjar

– Kërkesat për marrjen e nënshtetësisë për motive martese apo vendbanimi

– Pezullohet dhënia e përfitimeve për viktimat e terrorizmit

– Pezullohet rekuperimi i të ardhurave për fëmijët me prindër me kombësi të ndryshme, jashtë territorit kombëtar.