“Isha me mamin, mbesën dhe motrën shtatzënë nën rrënoja”, Noizy tregon momentet e tmerrit pas tërmetit në Durrës

0

Reperi i njohur, Noizy, ka qenë pranë familjeve të prekura nga tërmeti që mbrëmjen e 26 nëntorit, duke i ndihmuar ata me veshje dhe ushqim.

Gjatë një aktiviteti për personat me aftësi të kufizuara të zhvilluar nën qytetin e Fierit, reperi ka folur për mediat, ku tërmetin katastrofik e ka cilësuar një ngjarje të tmerrshme.

Noizy ka rrëfyer se e ka përjetuar shumë keq tërmetin, pasi ka qëlluar mes rrënojave në Durrës, së bashku me të ëmën, mbesën dhe motrën shtatzënë.

“Më vjen mirë që i kaluam ato streset e mëdha, sepse ishte me të vërtetë fatkeqësi e madhe, jo vetëm për Durrësin, por për të gjithë Shqipërinë. Shyqyr Zotit u lehtësua dhe inshallah nuk e kalojmë më kurrë atë gjë.

Ishte diçka shumë e keqe, shumë e hidhur, pasi unë qëllova mes rrënojave me mamin, mbesën dhe motrën shtatzënë, që është diku gjashtë-shtatë muaj, ka qenë tmerr për mua. Shyqyr Zotit shpëtuam pa dëme, por siç dihet ka pas shumë të vdekur dhe ndihem sikur ata mund të ishin pjesëtarët e familjes sime. I lutem Zotit që kurrë më mos t’i përjetojmë këto gjëra që na ndodhën”, tha Noizy.