Zymtësia ekonomike ul në mënyrë drastike huamarrjen e bizneseve

0

Kërkesa për kredi në banka nga bizneset e mëdha në tremujorin e dytë të 2018 shënoi uljen më të madhe që nga fundi i vitit 2013.

Sipas të dhënave të Bankës së Shqipërisë kërkesa për hua shënoi rënie me 24 % në sektorin e biznesit të madh, pas një rritje që pati për dy tremujorë rresht.

Indiferenca e biznesit ndaj kredisë është shndërruar një nga faktorët themelor të rënie së huasë për biznesin. Sipas të dhënave të BSH-së rënien më të madhe duket se e ka shënuar kërkesa për kredinë për investime, e cila pësoi rënie me mbi 30 për qind në tremujorin e dytë të 2018, duke shënuar gjithashtu nivelin më të ulët që nga fundi i vitit 2013.

Banka e Shqipërisë raportoi në vrojtimin e fundit për ecurinë e kredisë së kërkesa për hua raportua më e ulët nga një tremujor më parë, për të gjitha kategoritë e biznesit si të vogla dhe të mesme, ashtu edhe kërkesa e bizneseve të mëdha.

Edhe në prizmin e qëllimit të përdorimit të kredisë, kërkesa rezultoi më e ulët, si për kreditë për investime, ashtu dhe për likuiditete, respektivisht me minus 25 dhe 30.6%.

Ecuria e kërkesës për kredi të bizneseve është reflektuar edhe në ecurinë e kredisë për biznesin për këtë vit. Kredia për korporatat jo financiare në sektorin privat ra me 16 miliardë lekë në gusht 2018 në raport me të njëjtën periudhë të vitit të kaluar ose rreth 4.5 për qind.

Sipas të dhënave të Bankës së Shqipërisë kredia me ekonominë arriti në 38.4 % të PBB-së më 2017 nga 40.5% që ishte me 2016 me një rënie 2.1 pikë përqindje. Kjo ishte rënia më e fortë vjetore që pas vitit 2008.

Një vrojtim i kohëve të fundit të Bankës së Shqipërisë mbi gjendjen financiare të bizneseve gjeti se të gjitha kategoritë e biznesit sidomos biznesi i madhe kishin rritur përdorimin e valutës në transaksionet e tyre duke ulur kështu përdorimin e mëtejshëm të lekut.

BURIMI| monitor.al

PËRGJIGJU

Please enter your comment!
Please enter your name here