Reuters na “nxin faqen”: Shqipëria një nga vendet më të korruptuara në Europë

0
Rama deklaron

Deklarata e Presidentit francez, Emmanuel Macron, për pezullimin e procesit të zgjerimit të Bashkimit Europian ka tërhequr vëmendje të madhe. Agjencia ndërkombëtare e lajmeve Reuters i ka kushtuar një analizë këtij qëndrimi, në të cilën thekson se Shqipëria dhe Maqedonia Veriore janë dy viktimat e para të Macron.

Gazetari Richard Lough shkruan në artikullin e tij, se Shqipëria perceptohet si një ndër vendet më të korruptuara të Europës që ka dështuar në luftën kundër pastrimit të parave. Reuters nënvizon se shtetet e Europës Veriore kundërshtojnë me forcë anëtarësimin e vendit tonë në BE.

“Zgjerimi kërkon unanimitet, që nënkupton se Macron ka të drejtën e vetos”, vijon Reuters duke vënë në dukje se Franca dhe Holanda bllokuan çeljen e negociatave të anëtarësimit të Shqipërisë me Bashkimin Europian në qershor të vitit 2018.