Lajmi fundit: I vihet flaka makinës së Kryebashkiakut socialist

0
lajmi, lajmi i fundit, breakingnews, medialine.al

Burime bëjnë me dije se në orët e para të mëngjesit të sotëm i është vënë flaka makinës që përdoret nga kryebashkiaku Dritan Leli, e cila ishte në pronësi të Bashkisë së Vlorës.

Mësohet se shoferi i Lelit e kishte parkuar mjetin  pallatit ku banon në lagjen “Lef Sallata”, dhe si pasojë e flakëve është djegur dhe një mjet tip Ford që ishte pranë “Range Rover-it” të Bashkisë.

Policia ka ngritur një grup hetimor me qëllim kryerjen e hetimeve të mëtejshme në lidhje me përcaktimin e shkakut të rënies së zjarrit dhe zbardhjen e rrethanave të ngjarjes.

Njoftimi i policisë:

Më datë 10.10.2019, rreth orës 04:26, në lagjen “Lef Sallata” Vlorë pranë zyrave të punës, ka marrë flakë automjeti tip Range Rover në pronësi të Bashkisë Vlorë (mjet që përdorej nga Kryetari i Bashkisë Vlorë), ku si pasojë e flakëve ka marrë zjarr edhe një automjet tjetër tip Ford, parkuar në afërsi.

Drejtuesi i mjetit Range Rover, shtetasi E.T (shoferi i Kryetarit të Bashkisë) e kishte parkuar mjetin pranë pallatit ku banon. Ndërsa mjeti tjetër tip Ford është në pronësi të shtetasit B.A.

Si pasojë e flakëve, të dy mjetet janë dëmtuar plotësisht.

Policia ka ngritur një grup hetimor me qëllim kryerjen e hetimeve të mëtejshme në lidhje me përcaktimin e shkakut të rënies së zjarrit dhe zbardhjen e rrethanave të ngjarjes.