Faturimi elektronik: Palaçolluku i rradhës me bizneset

0
Ministrja e financave njofton fillimin e operacionit për kontrollin e lëshimit të kuponave

Nga 1 janari 2020 të gjitha bizneset duhet të kenë nënshkrimin elektronik çka ju sigurohet nga Agjencia Kombëtarë e Shoqërisë së Informacionit kundrejt një tarifë 4000 lekë. Kjo përfshin bizneset me xhiro nga zero ndërkohë që për biznese të tjera ambulantë do të bëhet përjashtim. Burime pranë Ministrisë së Financave dhe Ekonomisë sqaruan se ky është hapi i parë i nevojshëm në funksion të nismës së faturës elektronike.

Projektligji   “Për Faturën dhe Sistemin e Monitorimit të Qarkullimit “qe pritet të nisë të enjten e kësaj jave konsultimet me aktorët e tregut. Projektligji përtej efekteve pozitive që pritet të ketë në formalizmin e ekonomisë mund të ngjallë edhe pikëpyetje tek biznesi për mënyrën sesi do të monitorohet qarkullimi dhe si do të funksionojë faturimi elektronik. Burime pranë Financave thanë se një pjesë e kasave që janë në treg mund të adoptohen me sistemet softuerë që do të përbëjnë sistemin e Tatimeve ndërkohë që një pjesë tjetër mund të mos jenë adapte dhe do të duhet të zëvendësohen.

Por për të lehtësuar biznesin nga kostot është menduar që ti ofrohet si opsional faturimi përmes një aplikacioni i cili mund të instalohet në telefon ose në kompjuter dhe printimi mund të bëhet përmes një prineri fiskal. “Sot biznesi ka një kasë që ka një kosto fillestare 350 euro dhe 60 euro mirëmbajte në vit. Ndërkohë ata që kanë një kasë që nuk përballon sistemin e ri do të duhet të sigurojnë faturim elektronik përmes softuerit të duhur dhe që do të mundësohet nga kompanitë e licencuara në treg. Ne synojmë që të hapim këtë treg dhe kompanitë që do të mund të ofrojnë këto softe do të jenë të shumta duke marrë miratimin e Drejtorisë së Përgjithshme të Tatimeve dhe AKSHI-t. Hapja e tregut mendojmë se do të na krijojë mundësinë që softi të sigurohet me një çmim tavan rreth 60-80 euro në vit aq sa është sot kostoja e mirëmbajtës së një kase fiskale. Përmes celularit dhe një prineti fiskal do të lëshohen edhe faturat të cilat do të raportojnë në kohë reale në sistemin e Tatimeve të dhëna të sakta jo si vlerë por produkt për produkt” thanë të njëjtat burime.

Të njëjtat sqaruan se elementët e saktë për mënyrën sesi do të vijojë procedura do të shihen në vijim duke bërë edhe korrigjimet e nevojshme aty ku shihet me vend ndërkohë që ajo që mbetet e sigurt është që për fiskalizmin nuk do të ketë hap pas.