Dëshmi tronditëse të dhunë së pashembullt gjatë natës në Dibër

0

 

Janë dëshmi tronditëse ato të qytetarëve dibranë të cilët janë terrorizuar mëngjesin e sotëm nga Forcat Speciale që i kanë dhunuar duke i sulmuar edhe me gazlotësjellës.

Korab Shehi është një nga qytetarët i cili ka rrëfyer për dhunën e ushtruar nga policia gjatë natës në Dibër, me maska dhe me armë.

Dhunë e policisë e cila provohet edhe nga pamjet filmike, që nuk ka kursyer edhe gratë dhe fëmijët. 

“Ishte ora 03.00 e mëngjesit. Unë rri në kat të parë dhe në kat të dytë dhe të tretë i kishin thyer dyert të gjitha. Kur dola unë ata po zbritnin poshtë. Ishin me maska, kallashnikov dhe gjithçka. Në atë kohë u thashë: Çfarë është? Jo s’kemi punë, më tha kush je. I thashë emrin, pastaj ata shkuan te nusja e kushëririt. Ngaqë e dija që ishte me 3 fëmijë të vegjël  shkova atje. Kur shkova atje, ata aty më shtynë, nuk më lanë dhe më përplasën për mur. Nuk më lanë që të shkoj aty. E dija që kishte për ti rënë të fikët nuses së kushëririt. Asaj I ra të fikët në rrugë, ndërsa djali I kushëririt shkoi të marrë makinën, policët I thanë; lere të vdesë në rrugë, sepse I ra të fikët në rrugë. Policët na kanë godit mua dhe djalin e kushëririt, na kanë rrahur. I kanë future dhe në furgon dhe i kanë rrahur me shkop gome, plus që e kanë godit dhe në fytyra”